وعد لخليها تقبل مواطيك

لاتنقهر ياخوي قهرك حرقني

ولاتجرح احساسك وانا همي ارضيك..

شف دمعة عيونك ياغالي كوتني

غالي ودمعك يكسر شموخ مغليك...

امسح دموعك دام دمك سكني

لاني عضيدك لو هو الوقت مشقيك...

ودامك معي كل مايجي حزن غني

ماهو طرب ياولد ابويه وانا اخييك....

لكن على ماهو يقول المغني

كلن على ليلاه ياخوي يسريك....

وانا سرى ليلي وجرحي يوني

لاني عجزت اشيل همك واهديك...

يحرم علي أبات ماهوب لاني

خايف عليك او خايف احزانك تجي...

لا والله الا خايف(ن) منك تجني

ثمار طيبك خيبة(ن) بين اياديك....

لان الزمن ذا لو عطيته يعنــي

ولو ماعطيته قام لك ثم لعب فيك...

يعني كذا ولا كذا ما اظنــــي

يرضى عليك الوقت ولا يسليك....

دام الليالي من عناها عطتني

بتجيك ثم تعطيك لكن وش عليك...

لا يغلبك حزنك وبشــره ب أني

بوقف ب وجهه كل ماجاء يعنيك...

دمعات عينك ياعضيدي دنتني

للموت والحسرات ربي يجازيك....

لو جات ع الاحزان يابوي شفني

ذبيتها للريح ياجعلني افديك...

ف ذمتي ما اشوف حزني ذبحني

كثر الحزن الي سكن بين ضلعيك...

وآخـــر كلامي ذا وعد خذه منــــي

(لا اخلــــي احــــزانك تقبل مواطيك)......

ملاحظه: ترا بعض الكلمات مشدوده مثل ( اهديك..يعني..يعنيك..)