الشقا يارد على القلب الشقـاوي
قلبي الليله شقـا خلـف بدويـه
تلبس الابيض على اللون السماوي
اجذبتني بين طيـب وبيـن سيـه
الوصايف دونها تلقـى مـلاوي
ماتوصـل للوصـوف اليوسفيـه
عينها السوداء كما عين النـداوي
لاتبين صيدتـه بارض(ن)خليـه
الهدب فيها كما الرمح الطنـاوي
لا وقع بالقلب ولـع كالشضيـه
والجبين اللي كما البدر السنـاوي
يجذبك نـوره ونـوره جاذبيـه
خصرها مبري لا صار متسـاوي
وان تمايل كالنصي يلعـب لخيـه
تارد وتروى من القلب الرهـاوي
بالوفاء والـود وأشواق(ن)نديـه
سال شوقي يمها سيل(ن) نحـاوي
لا تحـدر مـن عـلاوي لدنيـه
قض ما قدمه على الملقاء شفاوي
يدفعـه زود الغـلا والعاطفيـه
ذيب شوقي بالحنايا دوم عـاوي
زاد جوعه يومهـا تبعـد عليـه
ماتخـاف الله بالقلـب الهـواوي
تشعب قلوب الهواء شعب المطيـه
وعلموها كانها ماهيـب تـاوي
تستحي وتخاف مـن رب البريـه
السبت أغسطس 07, 2010 1:55 am من طرف كلاش
