يــــفــــــز قـلـبـي كــــــل مـاهـبـت النـــــــــــــود
يــفـــز لاهـبـت هــبـــــوب الـشـــمــــالـــــي
يـــــضـوي بـهـا نـفـح(ن) مـن الـورد والـعـــود
وتــجـــدد بــقـــلــبـــي قـــديــــم الأمـــالـــي
ويــحـيــا شــعـــور(ن) داخــل الـقـلب مـوجـود
حــب(ن) كــبــــــر مـــابـــددتـــه الـلــيـالــي
حب(ن) مــع الأيـــــام يـكـبـر بــــــلا حـــــــدود
حــب الـهــنــوف أم الـغـنـج والــدلالــــــــي
أم الـــعــيـــــون الـنـــاعـسـه والـهـدب ســـود
سـبحـــــان مــــن ســــواه رب الــجــلالـــي
ألـلــي وجــــونـــه بـالـــــحـــلا تـشـبــه ورود
غــــروب شمس(ن) دونــهـا الـمـزن حــالي
صــديـت لــــكـــن مـانـفــع بـعـــد وصــــــدود
وده تـمـكــن بـــــي خــفــيــف الـــظـــلالـــي
مـــوجــــــود لـكــــن شـبــه مـــانـي بموجـود
وســـط الـبـشــر وتــقـول جــالـس لــحـالـي
بـذلت مـجـهــود(ن) مـهــو بـــأي مـجـهـــود
لــجــــل إنــــي أدلـــــه عـنـه ويـزيـن حـالي
لــكـــن سـكــن فــي خــافـقـي لـيـن الـعــــود
وبـنـا كـيـان(ن) كـبـر شـــــــم الـجــبـــــالـي
عــذروبـــه إن الـوصــل بـيـديـه مــحـــــدود
ومـحـدود وصـلـه مــاعــطــاني مــجـــالـــي
وعــــذروبــــي أنـــه كـــــل مـاهـبت الـنــود
يــطـــــري عــلــيه مـــــع هـبـوب الشـمـالي
السبت أغسطس 07, 2010 1:55 am من طرف كلاش
